«Жасыл әлем» табиғат күні

09.06.2026 жылы М.Әуезов атындағы №33 орта мектеп жанындағы «Балдаурен» жазғы сауықтыру лагерінде «Жасыл әлем» табиғат күні ұйымдастырылды.

Іс-шараның мақсаты – балалардың бойында экологиялық мәдениетті қалыптастыру, табиғатты қорғауға, қоршаған ортаны аялауға деген жауапкершілік сезімін дамыту.

Күн аясында лагерь тәрбиеленушілері «Тараз Балауса» циркінің қызықты бағдарламасын тамашалап, көтеріңкі көңіл-күйге бөленді. Сонымен қатар оқушылар «Т.Рысқұлов» атындағы орталық саябаққа саяхат жасап, табиғат аясында серуендеп, қоршаған ортаның әсемдігін сезінді. Сондай-ақ балалар Кенен Әзірбаев атындағы Жамбыл облыстық филармониясының мәдени бағдарламасына қатысып, рухани-эстетикалық әсер алды