«Қауіпсіздік – әркімге ортақ жауапкершілік»

2026 жылғы 05 наурыз күні сағат 11:00-де №33 орта мектептің оқушыларына «Қауіпсіздік – әркімге ортақ жауапкершілік» тақырыбында төтенше жағдайлар қызметкерлері мектеп ауласында түсіндірме сабағын өткізді.

Іс-шара барысында мамандар оқушыларға төтенше жағдайлар кезінде қауіпсіздік ережелерін сақтау, өрттің алдын алу және алғашқы әрекеттер туралы түсіндіру жұмыстарын жүргізді. Сонымен қатар, арнайы техникалар таныстырылып, олардың қызметі туралы ақпарат берілді.

Оқушылар құтқару қызметінің құрал-жабдықтарымен танысып, мамандардың кеңестерін тыңдады. Мұндай іс-шаралар балалардың қауіпсіздік мәдениетін қалыптастыруға және төтенше жағдайларда дұрыс әрекет етуге үйретуге бағытталған.