«Қазақстан – татулық пен достық мекені» айлығы (13 наурыз – 13 сәуір 2026 ж.) аясында 17 наурыз күні мектебімізде 9–11 сынып оқушыларына «Қоғамдағы келісім мен тұрақтылық» тақырыбында құқықтық түсіндіру жұмыстары өтті. Іс-шараны ДҚТІЖО М.Б. Узбекова және мектеп психологтары Л.П. Мелдебекова ұйымдастырды. Оқушыларға татулық, толеранттылық және қоғамдағы тұрақтылықты сақтау жолдары түсіндіріліп, психологиялық қолдау көрсетілді.

ТӘУЕЛСІЗДІК ЖӘНЕ ОТАНШЫЛДЫҚ" айы аясында «Адал азамат» біртұтас тәрбие бағдарламасының «Ұшқыр ой алаңы» жобасы бойынша кезекті пікірсайыс 13.03.2026 күні өткізілді. Аталған іс-шараны жоба жетекшісі А.Д. Саттарова ұйымдастырды. Пікірсайысқа 7 «А» сыныбының ұл балаларынан құралған топтар қатысып, өз ойларын еркін жеткізіп, білімдері мен шешендік қабілеттерін көрсетті. Шара барысында оқушылар өзекті тақырыптар төңірегінде пікір алмасып, дәлелді ой айту мәдениетін қалыптастырды.