Еңбекқорлық және кәсіби біліктілік айы

М.Әуезов атындағы №33 орта мектебінде «Сұлулық және тазалық» тақырыбы аясында 12–14 жас аралығындағы қыз балаларға арналған тағылымды кездесу «Қыз Жібек» қыздар клубының жетекшісі А.Ә. Әбдіқапарованың ұйымдастыруымен өткізілді.

Іс-шараның негізгі мақсаты – жасөспірім қыздардың жеке гигиена талаптарын сақтау дағдыларын қалыптастыру, денсаулыққа жауапкершілікпен қарауын арттыру, сондай-ақ қыз бала тәрбиесі мен салауатты өмір салтын насихаттау болды.

Кездесуге №9 емхананың мамандары – акушер-гинеколог Дидарбекова Маржан Джапаровна және акушерка Абенова Мархабат Керімбековна арнайы қатысып, оқушылармен ашық форматта әңгіме жүргізді. Мамандар жасөспірімдердің денсаулығы, қыз балалар тәрбиесі, жеке бас гигиенасы және ерте жүктіліктің алдын алу мәселелері бойынша маңызды ақпараттар беріп, пайдалы кеңестерімен бөлісті