КӘМЕЛЕТКЕ ТОЛМАҒАНДАРДЫҢ ҚАУІПСІЗДІГІНЕ БАҒЫТТАЛҒАН РЕЙДТІК ШАРАЛАР

Тараз қаласында кәмелетке толмағандардың қауіпсіздігін қамтамасыз ету және олардың түнгі уақытта заңды өкілінсіз жүруіне жол бермеу мақсатында Наурыз мерекесінің демалыс күндерінде 5 күн бойы кешенді рейдтік және профилактикалық шаралар тұрақты түрде ұйымдастырылады.

Осы күнге дейінгі рейдтер бойынша көрсеткіштер:

1371 рейд өткізілді, Әкімшілік құқық бұзушылық туралы кодекстің түрлі баптары бойынша ата-аналарға балаларының заң бұзушылықтары үшін 4938 әкімшілік хаттама толтырылды.

Сонымен қатар, түрлі құқық бұзушылық жасағаны үшін Тараз қаласының Полиция басқармасына 4 мыңға жуық жасөспірім жеткізілді.

Түнгі мезгілде жұмыс істейтін білім алушылар бойынша мереке күндері мониторинг жүргізіледі.

Осы күнге дейін жүргізілген рейдтер барысында бірнеше мектеп оқушылары анықталды. Бұл фактілер бойынша Полиция басқармасына ресми қатынас хаты негізінде балалар есепке (учет) алынды.