«OTBASYVABE» науқаны аясында 5–6 сынып жетекшілерінің ұйымдастыруымен «Әке – асқар тау, ана – мөлдір бұлақ» тақырыбында кездесу кеші өткізілді. Іс-шараның мақсаты – отбасы құндылықтарын дәріптеу, ата-ана мен бала арасындағы қарым-қатынасты нығайту және ата-аналардың мектеппен байланысын арттыру болды.

12 мамыр күні мектебімізде «Үздіктер шеруі» салтанатты шарасы өтті. Шара барысында қалалық, облыстық және республикалық жарыстарда жүлделі орын алған дарынды оқушыларымыз марапатталды. Білім мен өнерде, спорт пен шығармашылықта биік жетістікке жеткен шәкірттеріміз – мектебіміздің мақтанышы!  Жеңімпаз оқушыларымызға алдағы уақытта да толағай табыс, биік белестер мен сәттілік тілейміз! Үздіктердің жеңісі – жарқын болашақтың кепілі!