«Әке – отбасының тірегі» тақырыбында әкелер форумы

«ЗАҢ ЖӘНЕ ТӘРТІП» айы аясында

«Адал азамат» біртұтас тәрбие бағдарламасын іске асыру мақсатында 2026 жылғы 30 қаңтарда М.Әуезов атындағы №33 орта мектепте «Әке – отбасының тірегі» тақырыбында әкелер форумы өтті.

Форумға 100-ге жуық әке, сондай-ақ арнайы қонақтар:

 Отбасын қолдау орталығының бөлім бастығы Қалжанов Қуаныш Жақсылықұлы,

 Тараз қаласы ардагерлер қауымдастығының мүшесі Зайнутдинов Абдрахим Юлдашевич,

 Әулие Ата ауданы бойынша АПБ ЮПТ қызметінің аға инспекторы, майор, полиция бөлімінің басшысы Халматов Фарух,

 Әл-Фараби атындағы мәдениет үйінің қызметкері Жақсылықов Ерлан Құрманәліұлы қатысты.

Іс-шара барысында әкенің отбасындағы рөлі, бала тәрбиесіндегі жауапкершілігі, заң мен тәртіпті сақтау, ұлттық құндылықтарды дәріптеу мәселелері талқыланды. Әсіресе, ұл бала тәрбиесіндегі әкенің орнына ерекше мән берілді.

Іс-шара соңында тәрбие жұмыстарына белсенді қатысқан әкелер мектеп әкімшілігі тарапынан алғыс хаттармен марапатталды.

Аталған форум отбасы мен мектеп арасындағы ынтымақтастықты нығайтуға бағытталған маңызды тәрбиелік іс-шара болды