М. Әуезовтің 125 жылдық мерейтойы

Мектебімізде тәрбие орталығының ұйымдастыруымен М. Әуезовтің 125 жылдық мерейтойына орай " Дәуірдің дара тұлғасы" атты әдеби кеш өткізілді. Әдеби кеште  мектеп оқушылары жазушының шығармаларынан үзінділер оқыды.  Атап айтқанда 9 "А"  сыныбының өмірбаяншылар тобы М. Әуезовтың өмірі мен шығармашылығынан сыр шертсе,  Ертілеу Сымбат "Жетім"  әңгімесін,  Ташмухаметова Рухшона "Барымта",  Бақытжан Сабина және Қыдыр Амина "Көксерек",  Абдисеитов Актан мен Кайпназарова Жанна "Қараш-Қараш оқиғасы"  повестерінен үзінділер оқыды.  6 "А"  сынып оқушысы Басқосқан Қарақат өз шығармашылығынан "Мұхтар атаға арнау"  өлеңін паш етті.  Сонымен қатар мектеп оқушылары жазушының тырнақалды туындысы "Абай жолы" роман-эпопеясын сахналады.  Кеш соңын Нұрманалы Жаннұр  Абайдың "Көзімнің қарасы"  әнімен аяқтады.  Рухани құндылығы мол кешті мектеп оқушылары мен ұстаздары тамашалады.